| ملتان…سابق وزیر اعظم یوسف رضا گیلانی نے کہا ہے کہ مجھے آئین کے تحت استثنا حاصل ہے،دیکھتا ہوں کون گرفتارکرتا ہے۔این آئی سی ایل اسکینڈل میں احتساب عدالت میں پیشی کیلئے سمن موصول ہونے کے بعد اپنی رہائش گاہ پر پریس کانفرنس کرتے ہوئے سابق وزیر اعظم نے کہا کہ ایسا لگ رہاہے کہ اس حکومت کاپہلا سیاسی قیدی میں ہوں گا۔ انہوں نے کہا کہ این آراوکیس میں منتخب وزیراعظم کوہٹایا گیا، این آراو سے فائدہ اٹھانے والے10ہزار افراد آزادگھوم رہے ہیں۔ یوسف رضا گیلانی نے کہا کہ چیئرمین نیب مجھے کیسے بلاسکتے ہیں، وہ خود تومطلوب ہیں۔ انہوں نے کہا کہ مونس الہٰی کو بری کردیا گیا، نیب کی جانب سے سوالنامہ ملا کہ کیا مونس الہٰی مطلوب تھے؟۔ سابق وزیر اعظم نے کہا کہ بطوروزیراعظم جو کام کیا اس کے تحت استثنا حاصل ہے، پارلیمنٹ آئینی استثنا ختم کردے تو آج ہی پیش ہوجاوٴں گا۔ |